bluemimissa: मोबाइल एप र वेबसाइटमा हटाऔं विज्ञापन

विज्ञापन, यो नै एउटा अर्थोपार्जनको माध्यम हो मिडियाका लागि। वेबसाइट हुन् या पत्रपत्रिका वा रेडियो र टेलिभिजन नै किन नहुन्। सबैको आयको स्रोत भनेको विज्ञापन नै हो। जसका कारण हामी पत्रिका पाँच १० रुपैंयामा नै अनि रेडियो, टेलिभिजन र वेबसाइट निशुल्क हेर्न पाइरहेका छौं। मोबाइल त्यसमा पनि स्मार्टफोनको जमानामा आइपुग्दा त्यो निशुल्क सेवा विभिन्न सफ्टवेयर (मोबाइलको भाषामा एप्स)मा पनि पाउन थालिएको छ। यी सबै निशुल्क पाइने सेवामा एउटा कुरा चाहिँ थोपरिएको हुन्छ प्रयोगकर्ता वा मिडियाको उपभोक्तालाई त्यो हो विज्ञापन। हुन त त्यही विज्ञापनले पनि धेरै जानकारी दिन्छ, कहिले काहिँ त समाचारले भन्दा पनि विज्ञापनले पो फाइदा पुरयाइरहेको हुन्छ। तर वेबसाइट हेर्दा त्यसमा सँधै एकोहोरो आउने विज्ञापन जो नेपाली सन्दर्भमा त तुक विनाको हुन्छ। त्यो विज्ञापनको न त हामी लक्षित वर्ग नै हुन्छौं न त्यसबाट पुगिने सेवा प्रदायकका सेवा नै हाम्रा लागि काम लाग्ने हुन्छन्। नेपाली वेबसाइटका कुरा गर्ने हो भने ठूला ठूला फाइद जीआइएफ फाइल फरम्याटमा झिपिक झिपिक मात्र भइरहेका हुन्छन्। जसले इन्टरनेटको गतिलाई मात्र सुस्त गराउँदैनन् भोलुम पनि खपत गरेर धेरै पैसा खाइ न पाइसँग काटिन्छ मात्र।

त्यसखालको समस्या भोग्नुभएका एवं आफ्नो सानो प्याकेजको इन्टरनेटको स्पीडमा पनि केही छिटो वेबसाइट हेर्न चाहनुहुनेका लागि कम्प्युटरमा प्रयोग गर्न विज्ञापन हटाएर हेरौं वेबसाइट लाभदायक जानकारी थियो। त्यस्तै खालको विज्ञापन धेरै भएका वेबसाइट हेर्दा धेरै पैसा मोबाइलबाट काटिएका अनि थाहै नपाइ वा झुक्किएर अर्को वेबसाइटमा पुग्ने समस्या भएका मोबाइल प्रयोगकर्ताले पनि त्यसखालको वेबसाइटमा विज्ञापन हटाएर हेर्न सक्नुहुन्छ। जसले तपाइँले मोबाइल सेवा प्रदायकसँग लिनुभएको डाटा प्याकेजको कम मात्र डाटा भोलुम खर्च हुन्छ। यसको अर्थ हो तपाइँको ब्यालेन्सको कम खर्च। किफायती मुल्यमा इन्टरनेट चलाउन चाहनुहुन्छ भने तपाइँले केही यस्ता उपाय अपनाउनुपर्छ। जुन इन्टरनेटमा निशुल्क उपलब्ध छन्। (यी उपाय एन्ड्रोइड फोनका लागि हुन्)

मोबाइल फोनमा राखिएका निशुल्क डाउनलोड गरेका एप्सहरु चलाउँदा तीनमा सँगै विज्ञापन पनि देखिइरहेको हुन्छ। विज्ञापन नदेखिने एप्स चाहिँ किन्नुपर्छ केही डलरमा। तपाइँ नेपालमा बस्नुहुन्छ भने तपाइँ गुगल प्लेबाट त्यस्ता एप किन्न सक्नुहुन्न किन भने तपाइँ हामी मध्ये धेरैसँग डलरमा अनलाइन खरिद गर्ने सुविधा छैन। त्यसैले निशुल्क एप चलाउन बाध्य भएकाहरुले तीन यस्ता निशुल्क एप मोबाइलमा डाउनलोड गर्नुपर्छ जसले तपाइँलाई मोबाइलमा राखिएका निशुल्क एप र मोबाइलबाट हेरिने सबै वेबसाइटबाट विज्ञापन हटाइदिन्छ। यसले मोबाइलमा खपत हुने डाटाको भोलुम कम भएर इन्टरनेट हेर्न वा चलाउनमा लाग्ने खर्च पनि कम हुन्छ। त्यसका लागि यी एप डाउनलोड गर्नुस्। यी सबै एप चलाउन र यो सुविधा लिनका लागि तपाइँले आफ्नो मोबाइल रुट गर्नुपर्छ यो भनेको आइफोनको जेलब्रेक भनेको जस्तै हो। (यसबारे थप जानकारी यहाँ पाउन सकिन्छ)

एडफ्रिएण्ड्रोइड

यो एप तपाइँको मोबाइलमा राखेपछि यसले तपाइँले हेर्ने जुनसुकै पनि वेबसाइटमा भएका विज्ञापनलाई यसले हटाइदिन्छ। त्यतिमात्र होइन विभिन्न निशुल्क डाउनलोड गरेर चलाइरहनुभएको एपहरुको पनि विज्ञापन हटाइदिन्छ। यो एप यहाँबाट डाउनलोड गर्नुहोस्।
एडअवे

यो एउटा ओपन सोर्स एप हो जसले तपाइँलाई वेबसाइटमा भएका विज्ञापनहरु मोबाइलमा हेर्दा नदेखिने बनाइदिन्छ। यसले विज्ञापनलाई डाउनलोड हुनबाट रोकेर तपाइँको डाटा भोलुम साथै पैसा पनि जोगाइ दिन्छ। यो एप यहाँबाट डाउनलोड गर्नुहोस्।
एयरपुसब्लक

एयर ब्लकर वा एयरपुस ब्लकर जे भने पनि दुवै एउटै एप हो। जुन गुगल प्लेमा निशुल्क उपलब्ध छ। जसले तपाइँको मोबाइललाई विज्ञापनको माध्यम बन्नबाट रोक्छ साथै ती विज्ञापन डाउनलोड हुन नदिएर त्यसका लागि खर्च हुने ब्याण्डवीथ वा डाटा भोलुम कम खर्च हुन्छ र पैसा जोगिन्छ। यो एपयहाँबाट डाउनलोड गर्नुहोस्।

यी एप प्रयोग गर्नु अघिको एजुकेशन सन्सार