विज्ञापन हटाएर हेरौं वेबसाइट

वेबसाइट, शाब्दिक अर्थका हिसाबले हेर्ने हो भने यो इन्टरनेटमा राखिएका अक्षर, तस्विर, भिडियो तथा अडियो फाइलहरु मिलाएर राखिएको पेजहरुको संग्रह मात्र हो। कुनै एक वेब र्सभरमा राखिएका त्यस्ता पेजहरु इन्टरनेटको माध्यमबाट विश्वका कुनै पनि कुनाबाट आफ्नो कम्प्युटरमा रहेका वेब तथा इन्टरनेट ब्राउजरको माध्यमबाट हेर्न तथा सुन्न सकिन्छ। तर यतिखेर हाम्रो जिवनमा वेबसाइटले शब्दकोषको यो अर्थ मात्र राख्दैन। जिन्दगीको अहम हिस्सा बनिसकेको छ वेबसाइट हाम्रा लागि। इन्टरनेटमा उपलब्ध यस्ता करोडौं वेबपेज इन्टरनेटको जालोमा जोडिनेहरुका लागि सूचना, मनोरञ्जन अनि शिक्षाको माध्यम बनिरहेका छन्। सस्तिँदै गएको इन्टरनेटको शुल्क अनि बढ्दै गएको पहुँचका कारण पनि आम जिन्दगीको महत्वपूर्णा हिस्सा बनिसकेका छन् वेबसाइट। त्यसैले त विश्वका विकसित मुलुकहरु फिनल्याण्ड, कोस्टारिका, इस्टोनिया, फ्रान्स, ग्रीस, स्पेन लगायतले इन्टरनेटलाई नागरिकको अधिकारको रुपमा स्थापित गरिसकेका छन्। सूचना, समाचार, शिक्षा साथै मनोरञ्जन दिने विभिन्न वेबसाइटहरु इन्टरनेटमा तयार छन्। निशुल्क रुपमा सूचना, मनोरञ्जन पाइने यस्ता वेबसाइटहरुमा विभिन्न विज्ञापनहरु राखिएका हुन्छन्। वास्तवमा निशुल्क रुपमा सूचना तथा मनोरञ्जन उपलब्ध गराउने यस्ता वेबसाइटले यि नै विज्ञापनबाट आर्थिक लाभ लिइरहेका हुन्छन्। यस्ता वेबसाइटको आर्थिक आम्दानीको स्रोत हुन यस्ता विज्ञापन। टेलिभिजन वा रेडियोले जस्तो पाठकको ध्यान आकषिर्त गरेर सूचनाको बीचमा विज्ञापन देखाएर नै यिनीहरुको अर्थतन्त्र चलेको हुन्छ। नेपाली वेबसाइटको आर्थिक आयआर्जनको माध्यम पनि यही नै हो। विश्वव्यापी रुपमा नै वेबसाइटले यसरी नै आफ्नो खर्च र नाफाको सन्तुलन मिलाइरहेका हुन्छन्। त्यसका लागि उनीहरुले विज्ञापन दिने शैलीमा पनि परिवर्तन ल्याइरहेका हुन्छन्। तर वेबसाइटका सामग्रीमा ध्यान केन्द्रित भएको समयमा झल्याक र झुलुक कम्प्युटरको पर्दामा देखिने यस्ता विज्ञापनहरुले हाम्रो ध्यान मात्र तान्दैनन् तीनले आँखा विगार्ने समेत खतरा हुने अध्ययनहरुले बताएका छन्।

नेपाल जहाँ इन्टरनेटको गती सुस्तो छ त्यहाँ वेबसाइट साथै तीनका विज्ञापन डाउनलोड हुन पनि समय लाग्छ। विशेष गरेर नेपाली वेबसाइटहरुले चित्रका रुपमा राख्ने विज्ञापनहरुले वेबसाइट पुरै खुल्नलाई ढिलो गराइरहेका पनि हुन्छन्। तपाइँ डाउनलोडको आधारमा पैसा लाग्ने (भोलुम बेस) इन्टरनेट प्याकेज चलाउनु भएको छ भने त त्यस्ता विज्ञापन डाउनलोड भएको पनि पैसा काटिन्छ। विशेष एनसेलको डाटाकार्ड, टेलिकमको भोलुम बेस एडीएसएल जस्ता डाउनलोडको आधारमा पैसा लाग्ने इन्टरनेट चलाउनेका लागि विज्ञापन डाउनलोडको पनि पैसा तिर्नु पर्ने अवस्था आर्थिक रुपमा पीडादायी नै हो। तर यसखालको वेबसाइटमा देखिने विज्ञापनलाई आफ्नो कम्प्युटरमा वा मोबाइल डिभाइसमा डाउनलोड हुनबाट रोकेर विज्ञापन डाउनलोडको खर्च जोगाउन पनि सकिन्छ। केही वेबसाइटले त सेक्स सम्बन्धी सामग्रीमा भिडियो हेर्नुस् भनेर कालो पृष्ठभूमिमा गुगलको विज्ञापन राखेर क्लिक गराउने गरेका छन्।

त्यसका लागि तपाइँको ब्राउजरमा सामान्य सुविधा मात्र थप गरे हुन्छ। त्यो पनि निशुल्क। तपाइँ जस्ता वेबसाइटका विज्ञापन हेर्न नचाहने तथा त्यसका लागि पैसा खर्च गर्न नचाहनेका लागि सफ्टवेयर बनाउनेहरुले त्यसखालका सफ्टवेयर प्रचलनमा ल्याएका छन्। जसले तपाइँलाई जुनसुकै वेबसाइट विज्ञापन बिना नै हर्ेन सहयोग गर्छन्। यसो गर्दा विज्ञापनको झलाक झुलुकबाट मुक्ति त पाइन्छ नै वेबसाइट पनि छिटो खुल्छ अनि डाउनलोडको पैसा पनि लाग्दैन। त्यसकालागि तपाइँले आफ्ने इन्टरनेट ब्राउजरमा एडब्लक सफ्टवेयर (एडअन्स) राख्नुपर्छ।

कसरी?

त्यसका लागि तपाइँले आफ्नो इन्टरनेट ब्राउजरमा रहेको एड अन्समा क्लिक गर्नुस्। त्यहाँ देखिने सर्च बारमा एडब्लक शब्द टाइप गरेर खोज्नुहोस्। त्यहाँ तपाइँले नतिजामा एडब्लक प्लस, एडब्लक एज, एडब्लक लाइट जस्ता सफ्टवेयर नतिजाका रुपमा देखा पर्छन्। जसमध्ये कुनै एक तपाइँले ब्राउजरमा इन्स्टल गरेपछि तपाइँको कम्प्युटरमा उक्त ब्राउजरमा खोलिने कुनै पनि वेबसाइटमा विज्ञापन देखिँदैन।

यो एडअन्स एप्लिकेसन मोजिला फायरफक्स र गुगल क्रोम दुवैमा उपलब्ध छ। (मैले परिक्षण गरेको हुनाले, अरुमा पनि उपलब्ध छ।त्यसका लागि यसो गर्नुहोस्:

ब्राउजरमा यो एडअन्स राखेपछि यस्तो देखिन्छ वेबसाइटहरुः

ब्राउजरमा यो एडअन्स राख्नु अघिको इकान्तिपुरको पेज

ब्राउजरमा यो एडअन्स राखेपछिको इकान्तिपुरको पेज