हड्डी मजबुत बनाउने खानेकुराहरु

हड्डी मजबुत बनाउने खानेकुराहरु

२०७१ असार ११ गते १९:०५ मा प्रकाशित बानियाँ राजन

   

  

क्याल्सियम तथा भिटामिन डी जस्ता पोषण तत्व स्वस्थ हड्डीका लागि अनिवार्य तत्व हुन् । क्याल्सियमले हड्डी तथा दाँतलाई मजबुत बनाउँछ भने भिटामिन डी ले क्याल्सियम सोस्ने क्षमतामा वृद्धि गर्नुका साथै हड्डीको वृद्धिमा सघाउ पूराउँछ ।

हड्डीको रोग ओस्टीयोपोरोसिसको मुख्य कारण भिटामिन डी को कमी नै हो । त्यसैले हड्डीलाई स्वस्थ र मजबुत बनाउन हाम्रो खानामा भिटामीन डी र क्याल्सियम प्रसस्त पाइने खानाहरु अनिवार्य रुपमा समावेश हुनुपर्छ । हड्डी मजबुत बनाउन खानैपर्ने केही खानेकुरा यी हुन् :

· दुध - दुधमा प्रसस्त मात्रामा क्याल्सियम पाइनुका साथै भिटामीन डी पनि पाइन्छ । दिनको एक गिलास दुध पिउनु हड्डीको मजबुतीका लागि महत्वपूर्ण हुने विज्ञहरु बताउँछन् । दुधका साथै दही, मही तथा चिजको सेवन पनि नियमित गर्नु राम्रो हुन्छ ।

· केरा- हड्डीको स्वास्थ्यका लागि केरा निकै लाभदायी फल हो । केरामा प्रसस्त मात्रामा क्याल्सियमका साथै पोटासियम लवण पाइन्छ । यसले सरीरको रोग प्रतिरोधी क्षमता बढाउनुका साथै प्रोटिनको सस्लेषण बढाउने र सरीरबाट क्याल्सियम क्षय हुने दर घटाउँछ ।

· हरियो सागपात - हरियो सागपात तथा कोसे तरकारीहरुमा पर्याप्त क्याल्सियमका साथै भिटामिन समेत पाइन्छ । यस्ता सागपात र तरकारीले हड्डीमा लवणहरुको घनत्व बढाउँछ ।

· बदाम - बदाम, ओखर जस्ता खानेकुराहरुमा प्रसस्त मात्रामा क्याल्सियम र पोटासियम पाइन्छ । साथै यस्ता खानेकुरामा उपयोगी फ्याट्टी एसिड पनि पाइन्छ जसले हड्डीको क्षयिकरण रोक्न मद्दत गर्छन् र हड्डीको निर्माणमा सघाउ पूराउँछन् ।

· माछा, मासु र अण्डा पनि हड्डी स्वस्थ राख्न खानुपर्ने महत्वपूर्ण खानेकुराहरु हुन् । यसले हड्डीलाई मजबुत बनाउनुका साथै हड्डीको विकाशमा समेत सहयोग पूराउँछ ।

- See more at: http://www.onlinekhabar.com/2014/06/163314/#sthash.2oYyyAji.dpuf

संसारका सुन्दर शहरलाई आकाशबाट हेर्दा (फोटोफिचर)

संसारका सुन्दर शहरलाई आकाशबाट हेर्दा (फोटोफिचर)

२०७१ असार १७ गते १०:४८ मा प्रकाशित बानियाँ राजान

बर्डस् आइज भिउ अर्थात् माथि आकाशबाट देखिने कुनैपनि वस्तु तथा ठाउँको विहंगम दृश्य, जसलाई आकाशे दृश्य पनि भन्न सकिन्छ । जमिनबाट पूरै दृश्य देख्न नसकिने ठाउँ तथा वस्तुहरुको आकाशे दृश्य साँच्चीकै सुन्दर हुन्छ । आकाशे दृश्यमा विश्वका ठूला ठूला सहरहरुको झलक कस्तो होला ? जहाज चढेको बेला तल देखिने दृश्य जस्तै, तर अझ प्रष्ट । विश्वका नामी सहरहरुको चराआँखे दृश्य हेर्ने चाहना छ ? हामीले इन्टरनेटबाट खोजिनीति गरेर विश्वका केही चर्चित सहरहरुको विहंगम आकाशे दृश्य यहाँ प्रस्तुत गरेका छौँ :

मेक्सिको सिटी टेक्सकोको तालको टापुमा सन् १३२५ मा मेक्सिको सहरको स्थापना भएको हो । यसको आकाशे दृश्य साँच्ची फूल आकारकै छ ।

गिजा: इजिप्टको नाइल नदीस्थित किनारामा रहेको गिजा सहरको मुख्य आकर्षण भनेकै विश्वकै आश्चर्यको रुपमा रहेको गिजाको पिरामिड नै हो ।

सनसिटी: अमेरिकाको सनसिटीको आकाशे दृश्य साँच्चीकै मनमोहक छ । यसका सामुदायिक सडक अधिकांस वृत्ताकार छन् ।

बार्सिलोना: स्पेनको बार्सिलोना युरोपको छैटौँ बढि जनसंख्या भएकेा सहर हो । यसका कासा बाटलो तथा ला प्रेडरेरा जस्ता भवन निकै चर्चित छन् ।

पेरिस:  इफेल टावर तथा आर्क ट्रायोम्फ जस्ता चर्चित वास्तुकला रहेको पेरिसको हवाइ दृश्य निकै मनमोहक छ ।

भेनिस : इटालीको भेनिस सामुदि्रक मुगा टापुमा अवस्थित छ । यो सुन्दर कला तथा वास्तुका कारण चर्चित छ । यो पूरै सहर विश्व सम्पदा सूचिमा सूचिकृत छ ।

 सांघाइ : चीनको सांघाइ सबैभन्दा धेरै जनसंख्या भएको चिनिया सहर हो ।

माले : माल्दिभ्सको राजधानी सहर माले विश्वको पाँचौँ बढि जनघनत्व भएको टापु हो ।